A música de Manuel d'Novas (6)

APOCALIPSE
(1985)

Pa que tónte maldade nesse mundo
Se nô ta li sô pa um segundo

Pa que tónte inamizade
Pa gerá infelicidade

Pa que tónte industria de guerra
Se nô podê criá paz na terra (medjôr ê pensá)

Hôme ta cheio di malvadeza
Sem respeito pa natureza (ô deus valêno)

Tónte invento na planeta
Tónte coitóde pa maneta (sem sês hora tchegá)

Monopólio de um cambada
Ê distino di nôs vida

Cada hora um notícia
Cada minuto um malícia

Desarmamento ê conversa
Pa banquete e vice versa

Ê fartura num ponta
Ê miséria not ponta

Mundo ta pior q’um jogo de póca
Ca bô mandáme calá boca (um’ t’ta dzê verdade)

Nô ti ta vivê debóx d’ ameaça
Dum flagelo pa tud raça

Mundo podia ser ôte cosa
Vida podia ser côr de rosa

Si nôs tudo podia juntá môm
Co Deus e amor na coraçôm

Ma Bíblia ta flá
Na Apocalipse

Direitos Reservados
(Editing/Publishing)

Manuel de Jesus Lopes (Manuel d'Novas)
SPA
SACEM
Africa Nostra
Harmonia